Павлодар кәсіпорындарына кадрларды бағдарлы даярлауға мемлекеттік тапсырыс өсетін болады
Павлодар облысының кәсіпкерлер палатасының білім беру мәселелері жөніндегі кеңесінің отырысы Павлодар облысының кәсіпкерлер палатасында өтті. Отырыста өңірдегі компаниялардың өтінімдері бойынша кадрларды бағдарлы даярлауды ұйымдастыру туралы сөз болды.
.JPG)
Жиынға «Атамекен» ӨКП-сы директорының орынбасары Мүбәрәк Жақыпов, жекеменшік колледждердің өкілдері және орта арнаулы білім беру мекемелерінің түлектерін жұмысқа орналастыратын жұмыс берушілер қатысты.
«Қазақстан, Павлодар облысы екінші жыл отандық компаниялар үшін мамандарды бағдарлы даярлау бойынша жұмыс істеуде. Бұл жаңа нәрсе. Бір жыл бұрын мемлекеттік тапсырыс бойынша кадрларды бағдарлы даярлауға 10 000 орын бөлінді. Менің білуімше, бұл орындардың барлығы толды», - деді «Атамекен» ӨКП салалық білім беру кеңесінің төрағасы Валерий Якутов.
Оның айтуынша, биылғы жылы жағдай өзгерген жоқ, арнайы орта білім беру мекемелері де кадрларды бағдарлы даярлауға мемлекеттік тапсырыс алуда.
«Бағдарлы оқыту тұжырымдамасы бізге өткен жылы келді. Павлодар облысы бағдарлы оқытуға 440 орын қабылдады. Биылғы жылы жоспарымыз бойынша өсім бар: 600 орын болуы керек. Жыл сайын өсім болады», - дейді Павлодар облыстық білім басқармасының техникалық және кәсіптік білім беру бөлімінің басшысы Қарлығаш Асайынова.
Негізінен, спикер атап өткендей, кәсіпорындардың тапсырысы бойынша кадрларды бағдарлы оқытуға мемлекеттік тапсырыс бүгінгі таңда еңбек нарығында ең сұранысқа ие техникалық мамандықтар бойынша оқыту үшін қарастырылады.
Пікір қалдыру:
Пікірлер: