Атамекен ҚР ҰКП Арбитраж орталығында дауларды шешудің қандай артықшылықтары бар
Бизнеске шаруашылық дауларды шешуде жәрдемдесу үшін «Атамекен» Қазақстан Ұлттық кәсіпкерлер палатасы мен республиканың Сауда-өнеркәсіп палатасы «Атамекен» Арбитраж орталығын құрды. Ол коммерциялық шарттардан туындайтын дауларды қарайды. Арбитраж орталықтың жалғыз қатысушысы - ҰКП.
Арбитраж орталығында қазақстандық компаниялардың, сондай-ақ Әзірбайжан, Беларусь, Испания, Қытай, Қырғызстан, Латвия, Молдова, Польша, Ресей, Сейшелов, АҚШ, Түркия, Өзбекстан, ОАР компанияларының қатысуымен 200-ден астам дау қаралды. Орталыққа өтiнiш жасауға шартта немесе тараптардың жеке келiсiмiнде арбитражды ескертпенiң болуы негiз болуы мүмкiн.
«Осы шарттан немесе оған байланысты туындайтын барлық даулар, келіспеушіліктер немесе талаптар, оның ішінде оның бұзылуына, тоқтатылуына немесе жарамсыздығына қатысты талаптар қолданыстағы регламентке сәйкес "Атамекен" Қазақстан Республикасы Ұлттық кәсіпкерлер палатасының Арбитраж орталығында түпкілікті реттелуге жатады», - дейді Павлодар облысы Кәсіпкерлер палатасының директоры Ерқанат Әбенов.
Компаниялар үшін арбитраждың негізгі артықшылықтары аз емес.
Біріншіден, бұл дау тараптарының дауларды жан – жақты, толық және объективті шешуді қамтамасыз ете алатын кәсіби және тәуелсіз төрешілерді-Қазақстанның, шет елдердің үздік заңгерлері мен салалық мамандарын сайлау мүмкіндігі. Төрешілер қабылдаған шешімдердің заңды күші сот шешімдерінің күшімен бірдей.
Екіншіден, соңғы шешімді жедел алу - талап арыз берілген сәттен бастап орта есеппен үш ай ішінде. Арбитраж істі бір сатыда (апелляциясыз және кассациясыз) түпкілікті шешеді. Арбитражды шешiмдердiң күшiн тек рәсiмдiк негiздер бойынша жоюға болады.
Үшіншіден, бұл баж салығын үнемдеу. Арбитраж орталықтағы алымдар сомасы соттардағы және басқа да арбитраждағы мемлекеттік баж мөлшерінен төмен. Егер соттардағы баж сомасы әрқашан талап қою бағасының үш пайызын құраса, онда Арбитраж орталықтағы алым сомасы талап қою бағасының 0,5 пайызына дейін жетуі мүмкін.
Төртіншіден- талқылаудың құпиялылығы: оның фактісі мен қорытынды шешімі үшінші тұлғаларға жария етілмейді. Тиісті міндет «Арбитраж туралы» заңда бекітілген.
Бесіншіден, онлайн-талқылаулар, яғни Қазақстанның барлық өңірлерінде және шет елдерде арбитражды талқылаулар жүргізу тәжірибеден өтуі мүмкін.
Алтыншыдан, шетелдік арбитражды шешімдерді тану және орындау туралы Нью-Йорк конвенциясына сәйкес шетелде арбитраж шешімдердің ең жақсы орындалуы. Қазақстанның осы конвенцияға қатысуы арбитражды шешімді әлемнің 172 елінде орындауға мүмкіндік береді.
Толығырақ ақпарат алу үшін "Атамекен" Арбитраж орталығының сайтына кіруге болады www.aca.kz немесе телефон нөміріне қоңырау шалыңыз: 8 (747) 282 89 04.
Пікір қалдыру:
Пікірлер: